“Real”ın müdafiəçisi “Fənərbaxça”nın hədəfində

“Fənərbaxça” mövsümün sonunda bir neçə ulduz futbolçunu heyətinə qatmağı planlaşdırır.

Komanda.az “Fotomac”-a istinadən xəbər verir ki, “Real”ın braziliyalı müdafiəçisi Marselo “sarı-lacivərdlilər”in maraq dairəsindədir.

“Atletiko”nun hücumçusu Luis Suares kimi, Marselonun da yayda azad agentə çevriləcək olması “Fənərbaxça” rəhbərliyinin diqqətini çəkib.

Marselo Braziliyanın bir neçə klubu və MLS-də mübarizə aparan “İnter Mayami”nin də hədəfindədir.

Marselo 2007-ci ildən “Real”ın formasını geyinir.