Pavar Fransa klubuna keçə bilər

“İnter”in fransalı müdafiəçisi Benjamin Pavar karyerasını vətənində davam etdirə bilər.

Komanda.az “Ekip”-ə istinadən xəbər verir ki, 29 yaşlı futbolçunun xidmətində “Marsel” maraqlıdır.

Onun bazar dəyəri 25 milyon avro təşkil edir və “İnter”lə müqaviləsinin müddəti 2028-ci ilin yayına qədərdir.

Pavar ötən mövsüm “İnter”in heyətində 38 oyunda meydana çıxıb, 1 qol və 1 məhsuldar ötürmə ilə yadda qalıb.

“Marsel” son mövsümü Liqa 1-də turnir cədvəlini 2-ci pillədə başa vuraraq, UEFA Çempionlar Liqasına vəsiqə qazanıb.