“Marsel” Gunduzini bu şərtlərlə icarəyə göndərir

“Marsel”in yarımmüdafiəçisi Matteo Gunduzi “Latsio”ya keçməyə yaxındır.

Komanda.az xarici KİV-ə istinadən xəbər verir ki, Roma təmsilçisi 24 yaşlı futbolçunu 12 milyon+5 milyon avro bonus müqabilində məcburi satınalma şərti ilə icarəyə götürmək istəyir.

Eyni zamanda, Liqa 1 klubu futbolçunun sonrakı satışından 10 faiz qazanc əldə edə bilər.

Gunduzi 2021-ci ildən “Marsel”də oynayır. O, ötən mövsümdə bütün turnirlər daxil olmaqla 43 oyuna çıxıb, beş qol vurub və eyni sayda məhsuldar ötürmə edib.