“Marsel” aşkar favoritdir, amma “Qarabağ”…” – Yurçeviç

Azərbaycan millisinin keşmiş baş məşqçisi Nikola Yurçeviç “Marsel”lə “Qarabağ” arasında keçiriləcək UEFA Konfrans Liqasının ilk oyunu barədə fikirlərini bildirib.

Komanda.az xəbər verir ki, Yurçeviç “Laprovence” nəşrinə açıqlamasında, “Marsel”in bu cütdə aşkar favorit olduğunu bildirib:

“Marsel” aşkar favoritdir, amma “Qarabağ” yaxşı komandadır. Bu komandada ölkənin ən yaxşı futbolçuları, həmçinin ən yaxşı legionerləri çıxış edir”.

Xorvatiyalı mütəxəssis, Azərbaycan millisində çıxış edən həmyerlisi Filip Ozobiçi “Qarabağ”ın ən yaxşı futbolçusu hesab edir:

“O, əsl yaradıcı 10 nömrədir. Ozobiç baş məşqçi Qurban Qurbanovun tətbiq etdiyi texniki oyun üslubunda önəmli rol oynayır.

Azərbaycan Premyer Liqasının oyunlarında orta hesabla 1000 azarkeş olur. Amma “Marsel”lə matçda stadion dolacaq. Onlar Fransa klubunu böyük komanda kimi tanıyırlar və rəqibin favorit olduğunu bilirlər. Ancaq bəzən bu komanda yaxşı rəqiblərə qarşı uğurlu nəticələr əldə edir”.

Fevralın 17-də “Velodrom” stadionunda keçiriləcək “Marsel” – “Qarabağ” matçı Bakı vaxtı ilə saat 00:00-da başlayacaq.