Mareska: “Oyunumuzdan məmnunam”

“Çelsi”nin baş məşqçisi Enzo Mareska Konfrans Liqasının ümumi mərhələsinin 6-cı turunda “Şemrok Rovers” üzərində böyükhesablı qələbədən (5:1) danışıb.

Komanda.az UEFA-nın mətbuat xidmətinə istinadən xəbər verir ki, italiyalı çalışdırıcı çıxışlarından məmnun olduğunu bildirib:

“Oyunumuzdan məmnunam. Belə qələbələri asanlıqla qiymətləndirmək olar. Futbolçular nə qədər ciddi olduqlarını, peşəkarlıqlarını nümayiş etdirdilər”.

İngiltərə klubu 6 matçın hamısında qalib gələrək, Konfrans Liqasının pley-off mərhələsinə 1-ci yerdən yüksəlib.