Mane üçün daha çox pul təklif edəcək – “Bayern”

“Bayern” klubu hücumçu Sadio Mane üçün “Liverpul”a daha yaxşı təklif göndərəcək.

Komanda.az “Sky Sports”-a istinadən xəbər verir ki, Münhen klubu 30 yaşlı seneqallı üçün təklif etdiyi məbləği 30-35 milyon avroya yüksəldəcək. Daha əvvəl “Liverpul”un hücumçunu 27 milyon avroya satmaqdan imtina etdiyi bildirilirdi.

Mane ötən mövsüm “Liverpul”un heyətində bütün turnirlərdə 50 oyunda 23 qol vurub və 5 məhsuldar ötürmə verib. Onun klubla müqaviləsi 30 iyun 2023-cü ilə qədərdir.