Mane keçmiş klubuna qayıda bilər

“Əl-Nəsr”in hücumçusu Sadio Mane Səudiyyə Ərəbistanını tərk edərək Avropaya qayıda bilər.

Komanda.az xarici KİV-ə istinadən xəbər verir ki, 32 yaşlı futbolçu ilə Avstriyanın “Zalsburq” klubu maraqlanır. Mane karyerasının əvvəlində bu klubda çıxış edib.

Seneqallı hücumçu 2023-cü ilin yayından Səudiyyə Ərəbistanının “Əl-Nəsr” klubunda çıxış edir. Tərəflər arasında mövcud müqavilə 2026-cı ildə başa çatacaq.