Mançini üçün bezdirici oyun

İtaliya millisinin baş məşqçisi Roberto Mançini AÇ-2024-ün seçmə mərhələsinin Malta ilə matçını (2:0) şərh edib.

Komanda.az “La Gazzetta dello Sport”-a istinadən xəbər verir ki, o, görüşün çətin keçdiyini deyib:

“Belə oyunlar çətin olur, çünki rəqib bezdirici oynayır. Müdafiəyə qapanırlar və hücuma keçmək üçün boş yer qoymurlar. Bir an belə olsun, diqqətini oyundan yayındırmamalısan.

Bəzi məqamları yaxşı, bəzilərini pis reallaşdırdıq. Neçə qol vurmalıydıq? Biz daha yaxşısını edə bilərdik və etməliydik. Hansı epizodlarda? Demək olar ki, hamısında”.

İtaliya yığması C qrupunda 3 xalla ikinci, Malta isə 0 xalla sonuncudur.