“Ronaldo onlara çox kömək edəcək” – Runi

“Mançester Yunayted”in sabiq futbolçusu Ueyn Runi Kriştiano Ronaldonun “qırmızı şeytanlar”a keçidini dəyərləndirib.

Komanda.az xəbər verir ki, Runi, Ronaldonun qayıdışının kluba fayda verəcəyini bildirib:

“Ronaldonun “Mançester Yunayted”ə qayıdışı azarkeşləri məmnun edəcək. Bu, klubdakı hər kəs üçün əladır.

Onun gəlişi digər futbolçuları da sevindirəcək. Meyson Qrinvud və Markus Reşford Ronaldonun oyunlarını izləyərək böyüyüblər. Ronaldo onlara çox kömək edəcək.

Kriştiano dünyanın ən yaxşı oyunçularından biridir. Onun “Mançester Yunayted”ə keçidi çox yaxşı transferdir”.