“Mançester Yunayted”in keçmiş baş məşqçisi “Milan”a təklif edilib

“Mançester Yunayted”in keçmiş baş məşqçisi Devid Moyes İtaliyada özünə iş tapa bilər.

Komanda.az “Football İtalia”-ya istinadən xəbər verir ki, agentlər 61 yaşlı şotlandiyalı mütəxəssisin xidmətini “Milan”a təklif ediblər.

“Milan” “İnter”lə derbidə uğursuz çıxış edərsə, İtaliya nəhəngi portuqaliyalı baş məşqçi Paulo Fonsekanı istefaya göndərə bilər.

Moyes hazırda işsizdir. Şotlandiyalı mütəxəssisin son klubu “Vest Hem” olub.

“Milan” İtaliya çempionatının turnir cədvəlində 10-cu yerdədir. Komanda 4 turdan sonra 5 xal toplayıb.