“Mançester Yunayted”in heyəti turnir cədvəlinin göstərdiyindən qat-qat yaxşıdır”

“Liverpul”un baş məşqçisi Arne Slot hesab edir ki, “Mançester Yunayted”in İngiltərə Premyer Liqasının turnir cədvəlindəki mövqeyi komandanın heyətinin keyfiyyətinə uyğun deyil.

Komanda.az xarici KİV-ə istinadən xəbər verir ki, niderlandlı mütəxəssis bu barədə belə deyib:

“Mən bunu ilk oyundan əvvəl dedim və yenə də deyə bilərəm: mənim fikrimcə, onların (“Mançester Yunayted”) heyəti hazırda turnir cədvəlinin göstərdiyindən qat-qat yaxşıdır”.

“Mançester Yunayted” İngiltərə çempionatının 19 turundan sonra 22 xal toplayıb və 14-cü yerdədir. “Qırmızı şeytanlar” yanvarın 5-də, Premyer Liqanın 20-ci turunun matçında “Liverpul”la qarşılaşacaq.