“Mançester Yunayted”dən Portuqaliya klubuna təklif

“Mançester Yunayted” “Sportinq”in müdafiəçisi Qonçalo İnasionu transfer etmək üçün çalışır.

Komanda.az xarici KİV-ə istinadən xəbər verir ki, İngiltərə klubu “Sportinq”ə portuqaliyalı futbolçunu 34 milyon avroya almaq öhdəliyi ilə icarəyə götürmək təklifi edib. Oyunçunun agenti artıq İngiltərədə “Mançester Yunayted”in nümayəndələri ilə danışıqlar aparıb.

23 yaşlı futbolçu daha əvvəl də “qırmızı şeytanlar”ın əsas transfer hədəfi olub.