“Belə nəticə xəyal qırıqlığı oldu” – Maquayr

“Mançester Yunayted”in futbolçusu Harri Maquayr Premyer Liqanın 9-cu turunda “Liverpul”a uduzduqları matçla bağlı açıqlama verib.

Komanda.az xəbər verir ki, İngiltərə mətbuatına danışan “qırmızı şeytanlar”ın kapitanı, 0:5 hesablı məğlubiyyəti unutmağın çətin olduğunu deyib:

“Bizim üçün çətin həftə oldu. Xüsusilə, vacib bir rəqibə belə hesabla uduzanda bunun təsirindən çıxmaq asan olmur. Belə nəticə xəyal qırıqlığı oldu.

Komanda daxilində vacib iclasımız oldu. Oyunu təhlil etdik, səhvlərimizə baxdıq. Necə inkişaf edə biləcəyimizi düşündük. “Tottenhem”lə matçda azarkeşlərimizin yanımızda olacağını bilirik. Əminəm ki, bizi dəstəkləyəcəklər”.

“Mançester Yunayted” 10-cu tur çərçivəsində səfərdə “Tottenhem”lə qarşılaşacaq. Oyun oktyabrın 30-da keçiriləcək.