Kavaninin menecerindən “Barselona” ilə bağlı açıqlama

“Mançester Yunayted”in futbolçusu Edinson Kavaninin meneceri Andre Kyuri müştərisinin klubu tərk etmək istədiyini açıqlayıb.

Komanda.az xəbər verir ki, bu barədə o, Braziliya mətbuatına açıqlamasında deyib. Kyuri, Kavaninin “Mançester Yunayted”də xoşbəxt olmadığını söyləyib:

“Kavani “Mançester Yunayted”də xoşbəxt deyil. Onunla maraqlanan Braziliya klubları var. Lakin Kavani “Barselona”dan təklif alsa, Braziliya variantını düşünməyəcək.

“Barselona”da vəziyyətin necə olduğunu bilmirik. Kavani böyük futbolçudur və o, “Barselona”da oynamaq üçün hər şeyə sahibdir”.

Kavaninin qış fasiləsində “Barselona”ya keçəcəyi gözlənilir.