“Ronaldo 40 yaşına qədər oynasa…”

“Mançester Yunayted”in baş məşqçisi Ole-Qunnar Sulşer portuqaliyalı hücumçu Kriştiano Ronaldo haqda danışıb.

Komanda.az “goal.com”a istinadən xəbər verir ki, norveçli mütəxəssis, Ronaldoya heyranlığını dilə gətirib:

“Ronaldo 40 yaşına qədər oynasa, təəccbülənmərəm. Özünə qulluq etməsi hər şeyin açarıdır. Təbii ki, burda genetika da rol oynayır. Bu cür şeyləri bacarmaq üçün bəzi genlər olmalıdır! Gücünün və səyinin hər damlasını ortaya qoyması onun belə bir futbolçu olmasına kömək edir. Ronaldo bütün təriflərə layiqdir”.

Ronaldo avqustun 31-də “Mançester Yunayted”lə müqavilə imzalayıb. 36 yaşlı futbolçu “qırmızı şeytanlar”la 4 oyunda 4 qol vurub.