Sulşer: “O, sadəcə möhtəşəmdir”

“Mançester Yunayted”in baş məşqçisi Ole-Qunnar Sulşer Çempionlar Liqasında “Atalanta”ya qarşı keçirdikləri oyunu şərh edib.

Komanda.az UEFA-nın mətbuat xidmətinə istinadən xəbər verir ki, norveçli mütəxəssis, 2:2 hesabıyla bitən matçla bağlı bunları deyib:

“Əyləncəli və maraqlı oyun alındı. Hər iki komanda özünü yaxşı tərəfdən göstərməyə çalışdı.

Kriştiano Ronaldo sadəcə möhtəşəmdir. O, əvəzedilməzdir. Heç kim onun oyunçu xarakterinə şübhə ilə yanaşa bilməz. Ronaldo təslim olmur, sona qədər döyüşür”.