Ranqnik Ronaldonun oynamamasının səbəbini açıqladı

“Mançester Yunayted”in baş məşqçisi Ralf Ranqnik hücumçu Kriştiano Ronaldonun “Aston Villa”ya qarşı keçirilən Premyer Liqa matçında iştirak etməməsinin səbəbini açıqlayıb.

Komanda.az xarici mətbuata istinadən xəbər verir ki, alman mütəxəssis, Ronaldonun oyuna tam hazır olmadığını bildirib:

“Ronaldonun bud əzələsində problem var idi. Dünən məşqdən əvvəl onunla danışdım və hələ tam hazır olmadığını bildirdi. Ümid edirəm ki, növbəti oyunda meydanda olar”.

“Mançester Yunayted” səfərdə “Aston Villa” ilə heç-heçə edib – 2:2.