“Mançester Yunayted”dən qovulan Ten Haq İtaliyada işləyə bilər

“Roma”nın sahibləri Den və Rayan Fridkin yeni baş məşqçinin təyinatını müzakirə etmək üçün bazar ertəsi Londonda olublar.

Komanda.az xəbər verir ki, bu barədə “Corriere dello Sport” məlumat yayıb.

Daha əvvəl klub İvan Yuriçi istefaya göndərib. Onun potensial “varislər”i arasında “Mançester Yunayted”in keçmiş baş məşqçisi Erik ten Haq və “Çelsi” ilə “Brayton”un sabiq çalışdırıcısı Qrem Potter var.

“Gazzetta dello Sport” iddia edir ki, Ten Haqın təyinatı çətin ki, baş tutsun. Çünki niderlandlı mütəxəssisə çoxlu pul ödənməli olacaq.

Massimiliano Alleqri, Roberto Mançini, Klaudio Ranyeri və hətta Türkiyə millisinin baş məşqçisi Vinçentso Montella da potensial namizədlərdir. Lakin klub tərəfindən onlarla əlaqə saxlanılmayıb.