“Mançester Yunayted”in hədəfindəki 3 müdafiəçi

“Mançester Yunayted” üç müdafiəçi ilə maraqlanır.

Komanda.az “Daily Mail”-ə istinadən xəbər verir ki, ingilislər “Bayern”in futbolçusu Alfonso Deyvis, PSJ-nin oyunçusu Nuno Mendeş və “Bornmut”un futbolçusu Miloş Kerkesin namizədliyini nəzərdən keçirir. Çox güman ki, siyahıda olan müdafiəçilərdən biri yanvar ayında İngiltərə klubuna keçə bilər.

“Qırmızı şeytanlar” bir müddət əvvəl yeni baş məşqçi ilə müqavilə bağlayıb. Lissabon “Sportinq”indən ayrılan Ruben Amorim “Mançester Yunayted”in “sükanı arxasına” keçib.