MY “Bayern”ə müraciət etməyə hazırlaşır – Yeni təkliflə

“Mançester Yunayted” iki müdafiəçinin transferi üçün yeni təkliflə “Bayern”ə müraciət etməyə hazırlaşır.

Komanda.az “The Athletic”-ə istinadən xəbər verir ki, “Bayern” Nussair Mazraui və Matteys De Liqti satmağa açıqdır, lakin “Mançester Yunayted” Münhen klubunun maliyyə tələblərini ödəyə bilmirdi.

“Qırmızı şeytanlar”ın baş məşqçisi Erik ten Haq “Ayaks”da birlikdə çalışdığı Matteys de Liqt və Mazraui ilə yenidən eyni komandada olmaq istəyir.

Mazraui və De Liqt İngiltərə klubuna keçməyə hazırdır.

Yeni transfer Leni Yoro bu yaxınlarda 3 aylığa sıradan çıxdığına görə “Mançester Yunayted” yenidən transfer bazarına girməyə məcbur olub.