“Mançester Yunayted”in son təklifi də qəbul edilmədi

“Mançester Yunayted” ingiltərəli futbolçu Meyson Maunt üçün “Çelsi”yə bir daha təklif göndərməyəcək.

Komanda.az “Daily Express”-ə istinadən xəbər verir ki, öncədən “zadəganlar” oyunçu üçün MY-nin iki təklifini rədd etmişdi.

“Mirror”un verdiyi məlumata görə, London klubu “qırmızı şeytanlar”ın 50 milyon funt-sterlinqlik sonuncu təklifini də qəbul etməyib.

Mançester təmsilçisi Meysonu heyətində görmək istəsə də, qeyd olunan məbləğdən yüksək pul ödəmək fikrində deyil.

Maunt 2022/23 mövsümündə “Çelsi”nin heyətində 35 oyuna çıxıb, üç qol vurub və eyni sayda məhsuldar ötürmə verib. Onun klubla hazırkı müqaviləsi 2024-cü ilin yayında başa çatacaq.