“Mançester Yunayted” – 2000!

“Mançester Yunayted” İngiltərə Premyer Liqasının 10-cu turunda “Norviç”i məğlub edib – 3:1.

Komanda.az xəbər verir ki, “qırmızı şeytanlar” sözügedən qarşılaşmada Premyer Liqada bir ilkə imza atıblar. Belə ki, oyunda hesabı açan Skott Maktomineyin vurduğu qol “Mançester Yunayted” üçün Premyer Liqa tarixində 2000-ci olub. MY, Premyer Liqada bu qol sayına çatan ilk komanda olub.

“Mançester Yunayted”in Premyer Liqa tarixində ilk qolunu Mark Hyuz, 500-cünü Endi Koul, 1000-cini Kriştiano Ronaldo, 1500-cünü isə Dmitar Berbatov vurmuşdu.