“Mançester Yunayted” əvvəlki səviyyəyə qayıda bilər” – Nistelroy

“Mançester Yunayted”in müvəqqəti baş məşqçisi Rud van Nistelroy İngiltərə klubunun cari mövsüm üçün hədəflərindən danışıb.

Komanda.az xarici KİV-ə istinadən xəbər verir ki, o, komandanın düzələcəyinə və daha yaxşı çıxış edəcəyinə inanır:

“Hazırda bizim üçün ən vacib şey birlikdə işləməkdir. Biz əlimizdən gələni etməli və mövcud vəziyyəti dəyişməliyik. Bunun üçün vaxtımız var. “Mançester Yunayted” əvvəlki səviyyəyə qayıda bilər, amma çox çalışmalıdırlar. İlk addım qalib ruhunu bərpa etməkdir”.

Klub bu həftənin əvvəlində Erik ten Haqın qovulduğunu açıqlayıb. “Qırmızı şeytanlar” 9 turun nəticələrinə əsasən Premyer Liqanın turnir cədvəlində 14-cü yeri tutur.