“Heç vaxt “Old Trafford”da oynamamışam” – “Çelsi”nin futbolçusu

“Çelsi”nin yarımmüdafiəçisi Koul Palmer İngiltərə Premyer Liqasının 15-ci turunun “Mançester Yunayted”lə qarşıdakı oyunu haqda danışıb.

Komanda.az klubun rəsmi saytına istinadən xəbər verir ki, 21 yaşlı futbolçu “Old Trafford”da ilk dəfə meydana çıxacağını bildirib:

“Oyundan həzz alıram. Mən heç vaxt “Old Trafford”da oynamamışam, ümid edirəm oynayacam və bir neçə qol vuracam. Orada “Mançester Yunayted”ə azarkeşlik edən bir neçə dostum olacaq. Digər yoldaşlarım isə “Çelsi”nin tribunalarında olacaqlar. Ailəmdə bəziləri “Mançester Siti”ni, bəziləri isə “qırmızı şeytanlar”ı dəstəkləyir. Maraqlı olacaq”.

Oyun bu gün Mançesterdəki “Old Trafford” stadionunda baş tutacaq.