“Mançester Siti”yə qalib gəlmək əladır” – Konte

“Tottenhem”in baş məşqçisi Antonio Konte Premyer Liqanın 26-cı turunda “Mançester Siti”ni məğlub etdikləri (3:2) oyundan sonra açıqlama verib.

Komanda.az İngiltərə mətbuatına istinadən xəbər verir ki, italiyalı mütəxəssis bu qələbənin onlara inam verəcəyini bildirib:

“Əlbəttə, oyun emosiyalarla dolu idi. Yaxşı matç oldu. “Mançester Siti” oyunun 65-70 dəqiqəsində topa sahib idi. Ona görə də, biz taktiki cəhətdən yaxşı oynamalı olduq. Müdafiə olunarkən belə, ilk növbədə hücumu düşünməliyik.

Fantastik komandaya qarşı şanslar yaratdıq və gözəl qollar vurduq. Bu qələbə bizə inam verəcək. Ardıcıl üç məğlubiyyətdən sonra “Mancester Siti” ilə oynamaq asan olmadı.

Harri Keyn bizim üçün çox vacib oyunçudur. Bu gün hücumçularımız çox yaxşı oynadılar. Ancaq bir qələbə kifayət deyil. Unutmayaq ki, bundan əvvəl ardıcıl üç məğlubiyyətimiz olmuşdu. Amma “Mançester Siti”yə qalib gəlmək əladır”.