Torres “Barselona” üçün İspaniyaya yollandı

“Mançester Siti”nin futbolçusu Ferran Torres İspaniyaya yollanıb.

Komanda.az xəbər verir ki, bu barədə İtaliya mətbuatı məlumat yayıb. İspan hücumçu “Barselona” klubu üçün tibbi müayinədən keçməyə görə Kataloniyaya gəlib.

“Barselona” Torresin keçidi üçün “Mançester Siti” ilə razılaşıb. Kataloniya təmsilçisi 21 yaşlı hücumçuya görə İngiltərə klubuna 55 milyon avro və bonuslar ödəyəcək.

“Barselona” Torresin keçidini yaxın zamanda açıqlayacaq.