Qvardiola təsdiqlədi: “Mançester Siti”nin futbolçusu “Barselona”ya keçir

“Mançester Siti”nin futbolçusu Erik Qarsiya karyerasını İspaniyada davam etdirəcək.

Komanda.az xəbər verir ki, 20 yaşlı müdafiəçi “Barselona” klubuna keçəcək. Bu barədə “Mançester Siti”nin baş məşqçisi Xosep Qvardiola “Goal” nəşrinə açıqlamasında deyib. O, Qarsiyanın mövsümün sonunda “Barselona”ya keçəcəyini bildirib:

“Qarsiya ən sevdiyim oyunçulardandır. Davranış tərzinə görə onun kimi 15 futbolçumun olmasını istəyərdim. Hər zaman komandası haqda düşünür. Heyətdə yer almasa belə, narazılığını bildirmir. Təəssüf ki, “Barselona”ya keçəcək. Vəziyyət çətindir. Lakin bizim də sahib olduğumuz futbolçularımız var”.

Qarsiya bu mövsüm “Mançester Siti” ilə 10 oyuna çıxıb.