Misirli hücumçu Mançester derbisini buraxacaq

“Mançester Siti”nin misirli hücumçusu Omar Marmuş diz zədəsi səbəbindən “Mançester Yunayted”lə keçiriləcək derbidə iştirak edə bilməyəcək.

26 yaşlı futbolçu 2026-cı il dünya çempionatının seçmə mərhələsində Misir və Burkina-Faso milli komandaları arasında baş tutan oyunda (0:0) dizindən zədə alaraq, 9-cu dəqiqədə əvəzlənib.

Komanda.az “Mançester Siti”nin mətbuat xidmətinə istinadən xəbər verir ki, Misirdə aparılan ilkin müayinələr göstərib ki, Marmuş sentyabrın 14-də keçiriləcək oyunda iştirak edə bilməyəcək.

Misirli forvard əlavə müayinələr üçün İngiltərəyə göndəriləcək.