“Arsenal” Silvanı istəyir, amma…

“Mançester Siti”nin futbolçusu Bernardo Silva “Arsenal”ın diqqət mərkəzinə düşüb.

Komanda.az xəbər verir ki, “şəhərlilər” portuqaliyalı yarımmüdafiəçini yaxşı məbləğə satmağa razıdır. Bu barədə İngiltərə mətbuatı məlumat yayıb.

“Topçular” yaxın zamanda Silva üçün “Mançester Siti”yə təklif göndərəcək. 27 yaşlı yarımmüdafiəçi “şəhərlilər”dən ayrılmaq istəsə də, karyerasını Çempionlar Liqasında iştirak edən bir komandada davam etdirmək istəyir.

“Arsenal” ötən mövsüm İngiltərə Premyer Liqasını 8-ci sırada bitirib və avrokuboklara vəsiqə qazana bilməyib.