Qvardiola: “Kloppun komandaları daha yaxşı məşqçi olmağıma kömək etdi”

“Mançester Siti”nin baş məşqçisi Xosep Qvardiola Premyer Liqanın 7-ci turunda “Liverpul”a qarşı keçirəcəkləri oyundan əvvəl fikirlərini bildirib.

Komanda.az xəbər verir ki, ispan mütəxəssis, Mersisayd təmsilçisinin çalışdırıcısı Yurgen Kloppun onun inkişafında rolu olduğunu deyib:

“Kloppun komandaları mənim daha yaxşı məşqçi olmağıma kömək etdi. O, məni başqa bir səviyyəyə yüksəltdi. Məndə özümü sübut etmək ehtiyacı yarandı. Hazırda bu işdə olmağımın səbəbi bunlardır.

Son dörd ildə “Liverpul”la rəqabətdəyik. Bu, iki klub üçün də böyük bir şeydir. Buna baxmayaraq, Premyer Liqada çempionluq üçün mübarizə aparan daha çox klub var”.

Sabah keçiriləcək “Liverpul” – “Mançester Siti” matçı saat 19:30-da başlayacaq.