Qvardiola: “Bizim üçün böyük qələbə oldu”

“Mançester Siti”nin baş məşqçisi Xosep Qvardiola Premyer Liqanın 23-cü turunda “Liverpul”a qarşı keçirdikləri səfər matçını şərh edib.

Komanda.az xəbər verir ki, “Sky Sports”a danışan ispan mütəxəssis, 4:1 hesabıyla qələbə qazandıqları görüşlə bağlı bunları deyib:

“Planımıza uyğun oynadıq. Ümid edirəm ki, növbəti dəfə burda azarkeşlərimizin yanında qələbə qazanarıq.

Bizim üçün böyük qələbə oldu. Buraxılan qola necə reaksiya verəcəyimiz çox önəmli idi. Oyuna yaxşı başlamışdıq. İlk hissədə bəzi şeylər istədiyimiz kimi alınmadı. İkinci hissədə özümüzü düzəltdik və bundan sonra futbolçularımın keyfiyyəti hər şeyi həll etdi”.