“Brügge” ilə oyun “Mançester Yunayted”lə matçdan daha vacibdir” – Qvardiola

“Mançester Siti”nin baş məşqçisi Xosep Qvardiola Çempionlar Liqasında “Brügge”yə (Belçika) qarşı keçirəcəkləri oyundan əvvəl fikirlərini bildirib.

Komanda.az xəbər verir ki, ispan mütəxəssis, açıqlamasında, qarşılaşmanın vacibliyini vurğulayıb:

“Futbol qazandığınız və ya uduzduğunuz bir oyundur. Məni düşündürən necə oynamağımızdır. Son olaraq “Kristal Pelas”la çətin oyun keçirdik. Təqvimin ağır olduğunu görürük, nə etdiyimizi yaxşı bilirik.

Oyunumuzda inanılmaz artım var. Burda gəldiyim gündən ən yaxşı performansımızı sərgiləyirik. Nəticələr dəyişə bilər, amma oyun olaraq çox yaxşıyıq.

“Brügge” ilə oyun “Mançester Yunayted”lə matçdan daha vacibdir. Çempionlar Liqasında növbəti mərhələyə vəsiqə qazanmaq üçün qələbə qazanmalıyıq. Premyer Liqada oyun çoxdur, burda isə az. Bu cür qarşılaşmalar çox vacibdir”.

Bu gün keçiriləcək “Mançester Siti” – “Brügge” matçı saat 00:00-da başlayacaq.