Qvardiolanın Messiylə bağlı ümidi

“Mançester Siti”nin baş məşqçisi Xosep Qvardiola Çempionlar Liqasında Fransanın PSJ komandasına qarşı keçirəcəkləri oyundan əvvəl fikirlərini bildirib.

Komanda.az xəbər verir ki, Qvardiola, argentinalı hücumçu Lionel Messinin PSJ-yə keçməsinin sürpriz olduğunu deyib:

“Baş verənlər hər kəs üçün sürpriz oldu. Messinin belə bir addım atacağını təsəvvür etmirdik. Həyatdır, nəyin necə olacağını heç vaxt bilmirsən.

Messi Parisdə xoşbəxt olmalıdır. 16 il onu “Barselona” formasında görmək xoş oldu. Messinin hansısa bir təqdimata ehtiyacı yoxdur. Rəqəmlər hər şeyi göstərir. İnanılmaz karyerası var. Ümid edirəm ki, bizimlə oyunda meydanda olacaq”.

Bu gün keçiriləcək PSJ – “Mançester Siti” matçı saat 23:00-da başlayacaq.