“Mançester Siti”dən futbolçusu ilə yeni müqavilə

“Mançester Siti” müdafiəçisi Ruben Diaşla müqavilənin müddətini uzadıb.

Komanda.az xəbər verir ki, bu barədə klubun mətbuat xidməti məlumat yayıb.

28 yaşlı portuqaliyalı futbolçu 2029-cu ilə qədər “şəhərlilər”in uğurları üçün çalışacaq.

Onun əvvəlki sözləşməsinin müddəti 2027-ci ildə başa çatacaqdı.

Diaş 2020-ci ildən “Mançester Siti”də çıxış edir. O, komandanın heyətində keçirdiyi 222 oyunda 4 qol və 5 məhsuldar ötürmə ilə yadda qalıb.