“Mançester Siti”də ciddi itki

İngiltərənin “Mançester Siti” klubunun niderlandlı müdafiəçisi Natan Ake qarşıdakı 7 oyunda meydana çıxa bilməyəcək.

Komanda.az xəbər verir ki, bu barədə komandanın baş məşqçisi Pep Qvardiola məlumat verib.

O, futbolçunun növbəti beynəlxalq fasilədən sonra meydana qayıda biləcəyini deyib. Bu isə o deməkdir ki, Ake qarşıdakı 7 matçda oynaya bilməyəcək.

29 yaşlı arxa xətt oyunçusu sentyabrın 10-da Millətlər Liqasında baş tutan Niderland – Almaniya matçında (2:2) əzələsindən zədə alıb.