“Mançester Siti”nin yeni transferlərə nə qədər pul ayıracağı məlum olub

“Mançester Siti” rəhbərliyi komandanın son vaxtlardakı uğursuz nəticələrindən ciddi narahatdır.

Komanda.az “Daily Star”-a istinadən xəbər verir ki, “şəhərlilər” yanvardakı transfer pəncərəsində heyətini gücləndirmək niyyətindədir. Rəhbərlik yeni oyunçular üçün təxminən 240 milyon avro ayıracaq.

“Mançester Siti”nin transfer hədəfləri arasında bu oyunçular var: Viktor Gyökeres, Bruno Gimarayş və Martin Subimendi.

Pep Qvardiolanın yetirmələri son matçında səfərdə “Liverpul”a məğlub olub (0:2). Onun komandası Premyer Liqanın 13 turundan sonra 22 xal toplayıb və turnir cədvəlinin 5-ci pilləsində qərarlaşıb.