Rodriyə yeni müqavilə təklif olunacaq, maaşı artırılacaq

“Mançester Siti”nin rəhbərliyi yarımmüdafiəçi Rodri Hernandeslə əməkdaşlığı genişləndirməkdə maraqlıdır.

Komanda.az xarici KİV-ə istinadən xəbər verir ki, İngiltərə klubu ispaniyalı futbolçunun müqaviləsinin müddətini 2029-cu ilin ortalarına qədər uzatmağa hazırlaşır. Bundan əlavə, klub onun maaşını artırmaq qərarına gəlib. Rodri komandanın ən yüksək maaş alan oyunçularından birinə çevrilə bilər.

29 yaşlı futbolçunun “Mançester Siti” ilə 2027-ci ilin iyun ayının sonuna qədər müqavilə öhdəliyi var.