“Mançester Siti” argentinalı hücumçu üçün 16 milyon avro təklif etdi

“Mançester Siti” qış fasiləsində heyətini yeni hücumçu ilə gücləndirmək istəyir.

Komanda.az xəbər verir ki, “şəhərlilər” Argentinanın “River Pleyt” klubundan Xulian Alvaresi transfer etmək istəyir. Bu barədə “The Guardian” nəşri məlumat yayıb. “Mançester Siti” 21 yaşlı hücumçu üçün Argentina klubuna 16 milyon avro təklif edib.

“Rivert Pleyt” “transfermarkt”da dəyəri 20 milyon avro olan Alvares üçün azı 26 milyon avro tələb edib.

Argentina yığmasına da dəvət alan Alvares “River Pleyt”də ümumilikdə 96 oyunda 36 qol vurub.