İspaniya klubu argentinalı hücumçuya 5 illik müqavilə təklif edib

“Mançester Siti” hücumçusu Xulian Alvaresin “Atletiko”ya transferinə razılıq verib.

Komanda.az xarici KİV-ə istinadən xəbər verir ki, İspaniya klubu argentinalı futbolçu üçün 75 milyon avro və 20 milyon bonus təklif edib.

“Şəhərlilər”, Alvares şəxsi müqaviləsinin şərtləri ilə razılaşacağı təqdirdə, onun Madriddə tibbi müayinədən keçməsinə icazə verəcək. “Atletiko” 24 yaşlı forvarda 5 illik müqavilə təklif edib.

Alvares 2022-ci ilin yanvarından “Mançester Siti”də çıxış edir. O, 2023/24 mövsümündə bütün yarışlarda 54 matçda 19 qol vurub və 13 məhsuldar ötürmə edib.