“Futbolçuları heç kim düşünmür?” – İlkay Gündoğan

“Mançester Siti” klubunun futbolçusu İlkay Gündoğan Çempionlar Liqasının 2024-cü ildən tətbiq ediləcək yeni formatı ilə bağlı fikirlərini bildirib.

Komanda.az xəbər verir ki, 30 yaşlı yarımmüdafiəçi, “tvitter” hesabından etdiyi açıqlamada bunları deyib:

“Hər zaman daha çox oyun istəyirlər. Futbolçuları heç kim düşünmür? İndiki format onsuz da yaxşı işləyir. Buna görə də, həm futbolçular, həm də azarkeşlər üçün dünya futbolunun ən populyar turniri Çempionlar Liqasıdır”.

İlkay Gündoğan bu mövsüm “Mançester Siti” ilə 39 oyunda 16 qol vurub, 4 məhsuldar ötürmə edib.