“Mançester Siti”dən yeni rekord

“Mançester Siti” İngiltərə Federasiya kubokunda “Everton”u məğlub edib – 2:0.

Komanda.az xəbər verir ki, “şəhərlilər” bu qələbə ilə yeni rekorda imza atıb. Bu barədə klubun mətbuat xidməti məlumat yayıb. “Mançester Siti” bütün turnirlər də daxil olmaqla, səfər matçlarında 17 oyundur ki, məğlub olmur. İngilislər bu oyunlarda 15 qələbə, 2 heç-heçə əldə edib. Bu, klub tarixinin rekord göstəricisidir.

Bundan əvvəlki rekord 1999-cu ildə qeydə alınmışdı. “Mançester Siti” 16 səfər matçında məğlub olmamışdı.

“Mançester Siti” sonuncu dəfə ötən il noyabrın 21-də, Premyer Liqada “Tottenhem”ə səfərdə uduzub (0:2).