“Mançester Siti” ilə necə mübarizə aparacağımızı bilirik” – “Liverpul”un futbolçusu

Trent Aleksander-Arnold “Liverpul”un qarşıdakı mövsümdə çempionluq uğrunda mübarizə aparmağa qərarlı olduğunu bildirib.

Komanda.az “Sky Sports”-a istinadən xəbər verir ki, ingiltərəli müdafiəçi Premyer Liqada əsas rəqibləri olan “Mançester Siti” ilə necə mübarizə aparacaqlarını bildiklərini söyləyib:

“Düşünürəm ki, klub dürüst olmalıdır. Bilirsiz, biz daxil olduğumuz hər yarışa hörmət edirik.

Növbəti mövsümü də beşinci yerdə bitirmək istəyirik? Yox! Biz Premyer Liqanı qazanmaq istəyirik, titul üçün mübarizə aparmaq və Çempionlar Liqasının qalibi olmaq istəyirik.

Biz Premyer Liqanı necə qazanacağımızı, “Mançester Siti” ilə necə mübarizə aparacağımızı bilirik. Demək olar ki, mövsümboyu mükəmməl çıxış etməliyik”.