MS Virts üçün iki futbolçusundan imtina etməyə hazırdır

“Mançester Siti” Leverkuzen “Bayer”inin yarımmüdafiəçisi Florian Virtsi transfer etmək üçün çalışır.

Komanda.az “TBR Football”-a istinadən xəbər verir ki, “şəhərlilər” 21 yaşlı alman oyunçuya əsas namizədlər sırasındadır.

İngilislər Virts üçün müqavilənin bir hissəsi olaraq “Bayer”ə Oskar Bob və ya Ceyms Makatini təklif etməyə hazırdır. Bu, “əczaçılar”ın bahalı yarımmüdafiəçisinin transfer xərclərini azaldacaq.

“Transfermarkt” portalı Florian Virtsin dəyərini 130 milyon avro qiymətləndirir. 21 yaşlı Bobun qiyməti 25, 22 yaşlı Makatinin isə 12 milyon avrodur.