“Mançester Siti” 15 yaşlı futbolçu transfer edib

“Mançester Siti” yeni futbolçu alıb.

Komanda.az xarici KİV-ə istinadən xəbər verir ki, “şəhərlilər” “Lids”in 15 yaşlı hücumameylli yarımmüdafiəçisi Finley Qormanı transfer ediblər. 

Finley İngiltərənin 16 yaşadək futbolçulardan ibarət milli komandasında da çıxış edib. O, bu mövsüm 5 oyun keçirib, 2 qol vurub və 1 məhsuldar ötürmə edib.

“Mançester Siti”nin yeni transferini yaxında rəsmən açıqlayacağı gözlənilir.