“Mançester Siti” ərəblərlə anlaşıb

“Mançester Siti”nin müdafiəçisi Joao Kanselo karyerasını Səudiyyə Ərəbistanı çempionatında davam etdirməyə yaxındır.

Komanda.az “A Bola”-ya istinadən xəbər verir ki, portuqaliyalı futbolçu tezliklə “Əl-Hilal”ın futbolçusu ola bilər.

Səudiyyə Ərəbistanı klubunun rəhbərliyi futbolçunun transferi ilə bağlı “şəhərlilər”lə razılığa gəlib. Transfer məbləği təxminən 40 milyon avro olacaq. Kanselo 3 illik müqavilə imzalayacaq və ildə 70 milyon avro qazanacaq.

30 yaşlı futbolçu ötən mövsüm “Barselona”da icarə əsasında çıxış edib. O, iştirak etdiyi 42 matçda 4 qol vurub və 5 məhsuldar ötürmə verib.