Maldinidən “İnter”ə məğlubiyyətə şərh

“Milan”ın idman direktoru Paolo Maldini Çempionlar Liqasının yarımfinal mərhələsinin “İnter” – “Milan” cavab görüşünü (1:0) şərh edib.

Komanda.az xarici KİV-ə istinadən xəbər verir ki, o, “İnter”lə aranızdakı fərq nədən ibarət idi” sualını belə cavablandırıb:

“Bunu “neradzurra” ilə keçirdiyimiz son dörd oyunda aydın şəkildə görmüşük. İlk oyuna nisbətən, bu matçda daha yaxşı çıxış etdik.

Bu mövsüm Çempionlar Liqasındakı çıxışımız bizə baxımlı futbol matçları bəxş etdi. Həm də, nə qədər istedadlı və gənc oyunçularımızın olduğunu bir daha gördük”.

İki oyunun nəticəsinə əsasən, “qırmızı-qaralar” “İnter”ə 0:3 hesabı ilə uduzub və turnirlə vidalaşıb.

“Neradzurra”nın finaldakı rəqibi bu gün, saat 23:00-da keçiriləcək “Mançester Siti” – “Real” (ilk görüş – 1:1) oyunundan sonra məlum olacaq.