Makelele “Çelsi”dən getdi

Fransa millisinin sabiq yarımmüdafiəçisi Klod Makelele “Çelsi”dən ayrıldığını açıqlayıb.

Komanda.az xəbər verir ki, keçmiş futbolçu bu barədə sosial şəbəkədə yazıb:

“Dörd məhsuldar ildən sonra “Çelsi” və mən qarşılıqlı olaraq qərara gəldik ki, mənim üçün yeni çağırışlar axtarmağın vaxtı çatıb. Azarkeşlərə sevgilərinə görə təşəkkür etmək istəyirəm. Mavi hər zaman ürəyimin rəngi olacaq”.

O, 2019-cu ildən London klubunun akademiya tələbələri üçün texniki mentor vəzifəsində çalışıb, həmçinin icarəyə götürülən oyunçularla da işləyib.

Makelele futbolçu kimi 2003-2008-ci illərdə “Çelsi”də çıxış edib.