Mahrezlə yeni müqavilə imzalanacaq

“Mançester Siti”nin futbolçusu Riyad Mahrez klubu ilə yeni müqavilə imzalamağa hazırlaşır.

Komanda.az “The Sun”-a istinadən xəbər verir ki, danışıqlar gələn ay ərzində aparılacaq. Mançester klubu Qabriel Jesus və Rahim Sterlinqin gələcəyi ilə bağlı qeyri-müəyyənlik səbəbindən Mahrezi saxlamaqda qərarlıdır.

31 yaşlı əlcəzairli ilə daha əvvəl “Milan” və PSJ klubları maraqlanırdı.

Mahrezin “Mançester Siti” ilə hazırkı müqaviləsi 2023-cü ilin iyununda başa çatacaq. O, ötən mövsüm 47 oyuna çıxıb, 24 qol vurub və 9 məhsuldar ötürmə edib.

Bizi Telegramda izləyin