Mahir Emrelidən Almaniyada ardıcıl 4-cü qol

Azərbaycanlı hücumçu Mahir Emreli “Nürnberq”in heyətində növbəti dəfə fərqlənib.

Komanda.az xəbər verir ki, Azərbaycan yığmasının üzvü “Hamburq”un qapısına yol tapıb.

Mahir Almaniya 2-ci Bundesliqasının 11-ci turunda hesabı bərabərləşdirən qolun müəllifi olub. O, 62-ci dəqiqədə rəqib qapıçını məyus edib.

65-ci dəqiqədə sarı vərəqə alan Mahir bundan 3 dəqiqə sonra əvəzlənib.

Qarşılaşma bərabərliklə yekunlaşıb – 1:1. Mahirin komandası hazırda 17 xalla 6-cıdır.