Mahir Emreli ayın ən zəif futbolçusu seçildi – ardıcıl 2-ci dəfə

Azərbaycan millisinin hücumçusu Mahir Emreli Polşanın “Legiya” klubunda noyabr ayının ən zəif futbolçusu seçilib.

Komanda.az xəbər verir ki, 24 yaşlı futbolçu “Legionisci” nəşrinin versiyasına əsasən, komanda yoldaşı Mattias Yohanssonla birgə -4 xala layiq görülüb. Mahir oktyabr ayında da ən zəif iki futbolçudan biri olmuşdu.

Varşava təmsilçisinin argentinalı yarımmüdafiəçisi Jozue isə 3 xalla noyabrın oyunçusu seçilib.

“Legiya” noyabr ayında keçirdiyi 5 oyunun 4-də uduzub. Komanda yalnız Ekstraklasanın 16-cı turunda “Yagelloniya”nı məğlub edib – 1:0.